Trending

Бүх гишүүд нь хүчирхэг вокалтай TREASURE хамтлагийн гол хоолой Bang Yedam хэр дуучин бэ?

Та K-ПОП сонирхогч нэгэн ч бай, К-ПОП огт сонирхдоггүй нэгэн ч бай амьдралдаа ядаж нэг удаа YG Entertainment-ийн уран бүтээлчдийн хоолойг сонсож үзэх хэрэгтэй. Цөөхөн уран бүтээлчидтэй, уран бүтээлчид бүр нь үе үедээ шилдэг нь байдаг К-ПОП-ийн хүчирхэг айдолуудыг бэлтгэгч YG Entertainment сүүлд хөвгүүдийн хамтлаг гаргаад бишгүй удаан хугацаа өнгөрсний дараа буюу 2020 оны 8-р сарын 7-нд TREASURE гэх хамтлагийг гаргасан билээ.

Дэбютээ хийсэн цагаасаа л шилдэг рүүки хамтлаг болж, жилийн эцсийн шагнал гардуулах ёслолуудаас ч маш олон шилдэг рүүки хамтлагийн шагнал хүртсэн. Нийт 12 гишүүнтэй тус хамтлагт анхаарал татахуйц өвөрмөц дуулах арга барилтай, хүчирхэг хоолойтой дуучид бишгүй олон бий гэнэ шүү. Тэгэхээр энэ удаагийн нийтлэл бол бараг бүх гишүүд нь гол хоолой мэт чадварлаг дуулдаг TREASURE хамтлагийн гол хоолой Bang Yedam-ийн чих баясгам өвөрмөц хоолойг шимтэн сонсоход тань хүргэх болно.

Sam Kim-н ‘Make Up’ дуу бол маргалдаад салсан найзтайгаа буцан эвлэрч буй утгатай дуу юм. Bang Yedam-ийн нарийхан боловч хүчирхэг хоолой нь alt-R&B-д гайхалтай зохицож, энэ дууны дамжуулахыг хүссэн зурвасыг зүрхэнд тань хүртэл дуулсан гэдгийг бахархалтайгаар хэлж байна. Түүгээр ч барахгүй нүдээ аниад сонсоход яг л хажууд чинь дуулж байгаа юм шиг мэдрэмж төрүүлнэ.

Pink Sweat$-ийн ‘Honesty’ дууг айдол болсон цагаасаа л магтаал хүртэж ирсэн Yedam дуулснаар, өөрийн хоолойг үнэхээр анхаарал татахуйц гэдгийг дахин нотолж, Pink Sweat$ хүртэл түүний хоолойг шилдэг нь хэмээн хүлээн зөвшөөрч байсан. Дууны дундуур богино хэмжээний уянгалаг рэп нэмснээр чихэнд илүү шинэлэг сонстоход хүргэсэн ч гэж хэлж болно. Нэг сонсоход хоёр сонсох хүсэл төрнө.

Энэ шоуны үеэр хүмүүсийн дуртай сонгодог төрлийн дууг хүлээн авч үзүүлбэр үзүүлж байсан. Түүний хоолойны гүйцэтгэл, ерөнхий цар хүрээ, сэтгэл татам байдал нь үгээр хэлшгүй аж.

Бэлтгэгдэгч байхдаа ч шилдэг бэлтгэгдэгч байсан гэдгийг энэ нотлоно хэмээн найдаж байна. Энэхүү коверыг хийж байхдаа дөнгөж 15 настай байсан.

Ямар ч төрлийн дууг гайхалтай дуулдаг ба ялангуяа Justin Bieber-ийн дууг маш гайхалтайгаар амьлуулдаг учир түүнийг Солонгос Justin Bieber гэдэг гэнэ шүү.

Цаг хугацааг бага зэрэг ухрааж үзвэл энэ бол бяцхан Yedam болон түүний тунгалаг хоолой.

Нэмж дурдахад түүний гэр бүл ч гэсэн авьяаслаг агаад урлагийн гаралтай хүмүүс аж.

Өмнөд Солонгосчуудын хайрыг бага наснаасаа л хүчирхэг хоолойгоороо татаж ирсэн TREASURE хамтлагийн гол хоолой Bang Yedam.

3 сэтгэгдлүүд

  1. Thank you for every other informative website. Where else may I am getting that type of info written in such an ideal
    manner? I have a venture that I am simply now working on, and I’ve
    been at the glance out for such info.

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд OPPAya.mn хариуцлага хүлээхгүй.

Back to top button